Transcription
1
Monseigneur, je suys tousiours attendant la bonne volunté de messieurs qui dès hier
2
me debvoyent depecher. Il ne tient maintenant qu’à monsieur le president pour
3
donner audience à monsieur de Precins pour rapporter les lettres, ensemble le transport
4
du sieur de Botal faict au proffict de monsieur le grand. Il n’a tenu à leur
5
esclarcir bien la volunté du roy et son intention surce. Jay bien oppignon
6
que, non obstant les conclusions des gens du roy, que la court passera oultre
7
à la veriffication. Je en seray resolu demain car monsieur le president
8
m’a promis infaliblement de me despecher. Dieu les inspire de
9
bien faire. Jay envoyé votre lettre à madame la grand et par mesme
10
escrit lestat de ses affaires, actendant davoir arrest, duquel aussi
11
ne feray faulte vous advertir. Jay esté veoir ce matin madamoiselle de
12
Saint Prie qui, Dieu mercy, est hors de fiebvre. Je lay veu disner
13
mieulx quele navoyt faict durant sa maladie et pence quelle nen aura
14
receu que la peyne. Elle vous escript pour responce à celle que
15
luy avés mandée. Le mareschal des logis de la compaignie
16
du sieur Carlo faict aujourdhuy ung festin à toutes les dames et
17
après disner le bal, et sur les troys heures, deulx plactz garnis
18
de confitures, avec la musique. Je nay encor peu descouvrir
19
à qui il faict lamour. Le goulter se faictz chez monsieur de Cessenaige.
20
Si je me treuve à la deffaicte, je regarderay bien actentivement
21
de quel cousté pencheront ses amours, car telles gens ne savent
22
rien dissimuller. Vous naurés pour maintenant aultre chose de
23
moy, actendant melheur occasion ; après voir supplié le Createur vous
24
donner,
25
monceigneur, en parfaicte santé heureuce vie et longue. De Grenoble, ce
26
XIe jour de febvrier 1574.
27
Madamoyselle de Saint Prie avoyt si grand peur que ses lettres ne se perdent quelle me
28
la faict lhier et garotter dans ce pacquet pour pourter tesmoinaige de sa
29
prompte responce.
30
Votre très humble serviteur
31
Duvant